Cycle 2.1-2.2: Liichtathletik

Beweegung ass wichteg! Beweegung mëscht Spaass! Dëse Motto probéiere mer de Kanner iwwert de Wee vun der Liichtathletik ze vermëttelen. Kanner hunn en natierlechen Drang sech ze beweegen, allerdéngs gëtt dësen duerch eis modern, informatiséiert Gesellschaft aus gebremst. Dowéinst ass et em sou méi wichteg direkt am jonken Alter Beweegung mat Spaass ze verbannen an sou en Interessi bei all Kand auszeléisen.

Bei der Liichtathletik lafe, klammen, sprangen, geheien a virun allem ameséiere mir eis, mat flotte Spiller, am Grupp an awer och eenzel. Et geet net em d’Leeschtung mee dorëmmer sech selwer ze iwwerwannen, néi Saachen an néi Frënn kennen ze léieren an sech zesumme mat hinnen ze ameséieren.

Dir wëllt mat maachen? Da mellt Iech elo un fir d’Liichtathletik vum Jonglënster Gutt Drop!!!

Zieler:

• Liichtathletik kenne léieren
• Muskulatur stäerken
• Koordinatioun entwéckelen
• Spaass un der Beweegung fannen

Kleeder:

• Sportkleeder
• Turnschong